السلام عليكم ورحمه الله وبركاته
اكيد مفيش حد لم تواجهه مشاكل فى الكمبيوتر
وطبعا بعد ما بنعرف حلها بنستفيد معلومه جديده
لكن وقت حدوث المشكله بنكون خايفين ومرعوبين لحسن يكون حاجه حصلت للجهاز
وبنشيل هم اننا نوديه لمراكز الصيانه علشان يتصلح والمشكله الاكبر فى ملفاتنا اللى على الجهاز والصور الشخصيه كل دى عرضه انها تتكشف امام الاغراب
طيب يبقى ايه الحل؟؟؟؟
انا فكرت فى حاجه انى اعمل كل يوم موضوع فيه مشكله وحلها بالتفصيل وبشرح بالصور علشان مفيش حد تقف امامه حاجه
طيب هنستفيد ايه طالما ان المشكله لم تحدث؟؟؟
هنستفيد كتير اننا هيكون عندنا خبره ومعرفه مسبقه بالمشكله لو حدثت هنلحق نتصرف معاها وكمان ممكن نمنع حدوثها اصلا باتخاذ الحذر
يعنى هنستفيد حاجات كتير والخبره هى من التجارب والتجارب انا هجمعها واحلها
واضعها بين ايديكم
الخلاصه:
انا هجمع مشاكل حقيقه بتحصل بالفعل وهحلها واشرحلها بالتفصيل الممل
وبكدا هيكون فى مرجع لأغلب المشاكل
كل يوم هتنزل مشكله جديده او أكتر بحلها
وهجمع روابط المشاكل فى موضوع خاص بها وبكدا يكون عندنا مرجع كامل
ونستفي من المشاكل اللى واجهناها بالفعل والمشاكل اللى كان ممكن تحدث وتفاديناها
المشاكل فى الكمبيوتر نوعين:
هارد وير ودى تخص الجهاز نفسه كقطع ومكونات
سوفت وير ودى تخص الجهاز كبرامج ونظام تشغيل
وهحاول قد الامكان اجمع اغلب المشاكل واحلها
وبكدا هيكون شعارنا " مفيش حاجه تقف أمامنا"
لاننا هنكون عارفين المشكله وحلها وتفاديها
اذا عجبتكم الفكره انا هبدأ فيها فورا من بكره
بانتظار ارائكم لان الرسول قال "ما خاب من استشار"
وانا بحب كل شئ يتم برضاكم وبرغبتكم
الجمعة مارس 29, 2013 2:50 am من طرف سكرة الصباح
موضوع: مشاكل الكمبيوتر وحلولها...شعارنا "مفيش حاجه هتقف أمامنا" 
