حداث هذه القصة هى من وحى الخيال
ولكن جزء منها كبير حقيقى لذا احببت ان اضع بين ايديكم
اول مؤلفاتى (خريف الربيع )وهى قصة مكونة من مجموعة حلقات
اجتماعية تشويق واكشن وكوميدية
واثارة ورومنسية
واتمنى ان تنال اعجابكم (الحلقة الاولى )
------------تبداء الاحداث فى مصر شاب اسمه رامى عايش مع اهله باحدى محافظات مصر
الام :رامى يلا اصحى عشان عشان تقوم تلحق تجيب نتيجة البكالوريس وتطمنى ياحبيبى اما انا والله عاوز ه
اطمن عليك يابنى والله داعيلك فى صلاة الفجر وان شاءالله من الناجحين يلا يارامى قوم ياضنية
رامى:حاضر ياماما قايم اهو سيبنى انام بس شوية
الام :شوية مين قوم ياحبيبى طمن امك حبيبتك يلا يابنى انا ليه من غيرك يابنى فى الدنيا
يلا ياحبيبى ربنا يهديك صلى الصبح والبس وروح شوف النتيجة ده انت اللى بقيلى فى الدنيا انت واختك
بعد ابوك الله يرحمه
رامى :حاضر ياماما والله قايم اهو ياست الحبايب
====وقام رامى واستحمى وصلى ولبس وجهز نفسه للنزول ودخلت عليه والدته ===========
الام : بسم الله ماشاء الله ربنا يحميك يابنى اللهم صلى على النبى محفوظ ومنصور ان شاء الله
رامى:وهو بيضحك انت بتثتينى ياست الحبايب على الصبح وبعدين انا لو زى القمر طالعلك ياعسل انتى ولاايه
الام :اختشى ياواد عيب كده ويلا طمن قلبى وفرحنى ياحبيبى
رامى :طيب خلاص والله رايح اهو يلا عاوزه احاجة تؤمرى بحاجة اى طلبات وانا جاى
الام :استنى مش هتفطر طب اشرب كوبية اللبن هتنزل على لحم بطنك
رامى :ياام رامى هنفطر ونشرب الساقع هناك فى الجامعة يلا عاوزه حاجة
الام :دماغك ناشفة هقول ايه عاوز سلامتك ياضنية متنساش تعدى على جوز اختك كان عاوزك وقالى اقلك واعرفك
رامى :ماشى حاضر هعدى عليه يلا خلى بالك من نفسك ياقمر (وهو مبتسم ببراءة )
======== طبعا رامى وهو ماشى فى الشارع بيصبح على الجيران ولاقه (على) صاحبه بالموتسيكل وركب معاه يوصله ===========
رامى :احلى صباح ياابو على ياجااامد
على :صباح القشطة ياروميو ياقاهر النساء
رامى :نسوان مين ياعم هههههههه ماخلاص
على :طيب رايح فين لو رايح الجامعة تعالى اما اوصلك فى طريقى
رامى :طيب انا رايح اشوف النتيجة تعالى وصلنى ونشوف الشلة وتيجى معايه كام مشوار
على :اوصلك اه وبعد كده معرفكش ههههههههههه
رامى :ليه يعنى ياعمونا
على :هههههههههههههه ياعم انا ورايه شغل
رامى :شغل مين ياابو شغل ههههههه ماانت صايع من وقت مااخدت بكالوريس الانجليزى بتاعك وبتعطى دروس خصوصية هههههه
على :ماتتريقش اهو خلاص هتاخد البكالوريس وشكلك هتصيع زى وهتترجانى تعطى دروس رياضة معايه هههههه
رامى :ياابو مخ ازاى انا بدرس تجارة
على :انجز ياعم ولخص يلا
رامى :ماشى يازعيم
=======وصل رامى الجامعة والحمد لله جاب جيد جدا فى اخر سنة ليه سنة البكالوريس
وكل اصحابه وزمايله بيباركه وبيهنوا بعض =============
رامى :مبروك ياشباب خلاص براءة خلصنا تعليم
سارة:وانا مفيش حاجة ساقعة ليه
رامى :ايه جو البلطجة ده هههههههههه ارحمينى
=========تيجى رانيا حبيبة رامى ==================
رانيا :ماهو بدرى تعبة نفسى وجاى من الصبح وارن على حضرتك وانت ولاهنا طبعا حضرتك مهم ازاى احنا مش قد المقام
رامى :يغمز لرانيا ويستاذن اصحابهم
ويتكلم رامى ورانيا على جنب
رامى :مالك فى ايه كل ده خير
رانيا:يعنى مش عارف فى ايه تضحك وتهزر مع ست سارة دى بمناسبة ايه
رامى :والله انتى مجنونة وعبيطة وهبلة
رانيا :انا برضك طيب سيبنى
رامى :رايحة فين ياهبلة انا بهزر معاكى
ويجرى وراها ويمسك ايديها بسرعة
وفجاءة عينيهم فى عينين بعض وتحت الشجر وبين الخضرة فى حديقة الكلية
رانيا:سيب ايدى انت اتجننت
رامى :ايوة اتجننت عشان بحبك
رانيا :انت بتقول ايه ؟
رامى :بحبك والله بحبك
============== رانيا بكل دلال ورقة ودلع البنات ==============
رانيا :وانا كمان بموت فيك وانت عارف انا بحبك اد ايه
رامى :طيب وايه لزوم النكد يانكديه
رانيا :خلاص انا اسفة حقك عليه ولايهمك
رامى :طيب ماتجيبى بوسة خطف كده محدش شايفنا
رانيا :عيب كده احنا فى الكلية
رامى :محسسانى انى بقلك تعالى نروح شقة مفروشة ههههههههههه
ويضحكوا الاتنين ويروح يفطروا مع بعض ويتفسحوا وقضوا لحد الساعة 6العصر مع بعض
رامى :يانهار اسود انا اتاخرت عندى مشوار مهم جدا على وجوز اختى ياخبر
رانيا :مالك فى ايه اهدى
رامى :انت هبلة وطبعا ماصدقتى تستفردى بيه لوحدك
رانيا:طيب خلاص انت هتعيط هكلمك باليل فى التليفون او على النت
رامى:معايش رصيد ومدفعتش اشتراك النت
رانيا:خلاص هشحن لك وادفعلك الاشتراك متعيطش ههههههههههه
رامى: انتى اتجنتنى يابت ياعبيطة انا بهزر
رانيا خلاص هستناك باليل على الايميل ماشى
رامى :ماشى يلا خلى بالك من نفسك
رانيا وانت كمان
=======رامى بعد مارانيا ركبت التاكسى ===============
فجاءة وبدون مايشعر وهو سرحان وبيرجع لورا بضهره
فجاءة خبطته عربية ووقع رامى على الارض
لمحته رانيا نزلت جرى من التاكسى
رانيا :استنى يااسطى اقف بسرعة
رامى رامى رد عليه مالك رامى الحقونى اسعاف بسرعة
------(ياترى ايه اللى حصل لرامى وايه باقى القصة وايه اللى هيحصل ) ده اللى هنعرفه الحلقة الجاية