الحلقة الثانية

الحلقة التانية

=انتهت الحلقة السابقة عند حادث رامى واصطدامه بالسيارة


ورانيا تصرخ الحقونى الحقونى اسعاف بسرعة


---فى المستشفى رامى يفوق من صدمته ويفتح عينيه


رامى:انا فين ايه اللى حصل ايه اللى جابنى هنا


الام :كتر خيرها رانيا والناس اللى لحقوك بعد مالعربية خبطتك وكنت هتودى السواق فى مصيبة


رامى :ليه هو ايه اللى حصل


خالد السواق:يعنى يارامى باشا كنت هتودينى فى مصيبة لولا ربنا ستر انا واخد طريقى وسايق فى امان الله


لاقيتك فجاءة خبطت فى العربية وانا جاى باقصى سرعة بس الحمد لله ربنا ستر


رانيا:الحمد لله كدامات بسيطة وهتروح معانا


احمد (زوج اخته):ايه ياعم رامى مش تخد بالك وانت ماشى


هبة اخت رامى) الحمد لله انها جت لحد كده


خالد (السواق ):انا والله مش عارف اقولك ايه انا بصراحة والله مشفتك


رامى:خلاص ولايهمك انا اللى مكنتش واخد بالى


خالد(السواق )طيب انا كان نفسى اتشرف بيك فى ظروف احسن من كده بس على العموم انا هطمن عليك من


وقت للتانى وهجيلك البيت بنفسى اطمن عليك


رامى:ياخالد خلاص حصل خير مفيش حاجة ياعم احنا اخوات


خالد(السواق):طيب بالاذن انا عشان اشوف انا اكل عيشى وهطمن عليك وانا معايه رقم تليفونك


يلا خد بالك من نفسك يابطل


رامى:مع السلامة ياخالد


الام:طيب انا هقوم انا واختك نسبق نجهزلك اوضتك فى البيت واحمد هيخدك من هنا ويوصلك بعربيته


احمد (جوز اخته)ماشى ياحماتى خلصوا بس انتوا واجيبه البيت ونيجى بالسلامة


هبة :شد حيلك ياض النهاردة هاكلك شربة خضار معمولة بالارانب تاكلها بالهنا والشفا


رامى:ربنا يخليكوا ليه ولايحرمنى منكم ابدا


الام وهبة :طيب هنروح احنا بقى وتيجوا بالسلامة


احمد :مع السلامة خدوا بالكوا من الطريق


رانيا :رامى كنت عاوزه اقلك كلمتين لوحدنا


رامى:اتكلمى احمد مش غريب ده اخويه قبل مايكون جوز اختى


احمد:طيب استاذن انا اجيبلك حاجة تشربوها انتم الاتنين


رامى :طيب متتاخرش


رانيا :قلقتنى عليك قلبى وقع فى رجليه والله كنت هنتحر لو حصلك حاجة


رامى :بعد الشر عليكى ياحبيبتى


رانيا:رامى كنت عاوز اقلك انه انا مسافرة للدراسة بره اخد الدكتوراة والماجستير هناك زى ماانت عارف بابا


عنده مصانعه وشركاته وهو عاوزنى ابقى مسئولة عنهم يعنى انت عارف مليش اخوات وانا الوحيدة


رامى :تسافرى تسافرى فين


رانيا:لندن هسافر سنة وهرجع فى الاجازة


رامى :هتسافرى سنة هتهربى منى سنة


رانيا اهرب انا بقلك بابا عاوز كده وكنت هقلك بس انت لازم تعرف


رامى :والمطلوب ايه الوقتى اقلك تروحى وتيجى بالسلامة ولااقلك ايه


بعد حب وارتباط ويوميا مع بعض عاوزه تسافرى سنة معرفش عنك حاجة


ليه جايه على نفسك كده


خديلك سنتين ولااقلك خليهم تلاتة


ماهو طبعا رانيا هاشم بنت راجل الاعمال الكبير هيلزمها ايه من واحد زى


رانيا:متقلش كده انت بتقول ايه انت عارف انى مقدرش ابعد عنك


رامى :ولاتبعدى انا صعبان بس عليه نفسى بعد حب اكتر من 7سنين من ثانوى وجامعة


وجايه تقولى مسافرة سنة وممكن ترجعى ممكن اه وومكن لا


يييييييياه والدك عرف يلعبها صح عشان يبعدك عنى


رانيا :رامى انا مغلطش انى اعرفك طيب اعمل ايه يعنى


رامى :خلاص ولاتعملى ولاحاجة تروحى وتيجى بالسلامة


رانيا :رامى انا عارفة انك زعلان بس والله هطمن عليك بقدر الامكان


رامى :قصدك هتشفقى عليه بقدر الامكان صح بصى يارانيا سافرى وترجعى بالسلامة وانا منتظرك


وقتها ياعالم اكون بقيت بشتغل وبكون نفسى عشان اقدر اجى اتقدم لبرنسيسة رانيا


او اكون لسه عاطل


رانيا :رامى ارجوك افهمنى


رامى :ولاافهم ولاحاجة تقدرى تتفضلى الوقتى


رانيا:اتفضل عاوزنى امشى( وهى تبكى ) انا ماشية بس قبل ماامشى خد بالك من نفسك

-----------------------------------------


وتخرج رانيا من الاوضة منهارة وهى تبكى


ويدخل على

غرفة رامى


على :ايه فى ايه الف سلامة ومالها رانيا خارجة تعيط


رامى :مفيش متشغلش بالك انت


احمد :انا جيت فى ايه مالكم


رامى :انا مش ناقص حد فيكم سيبونى فى حالى


======= بعد ان وصل رامى للبيت واتعشى مع اهله اخته هبة وجوز اخته احمد وصاحبه على


على:مش هتقولى ايه حصل بينك وبين رانيا النهاردة

==================================


رامى :عاوز تعرف ايه (استنى هات الموبايل اما اشوف المسج دى من مين )


رسالة من رانيا (انا مسافرة فى طيارة بكرة الساعة 1الضهر اشوف وشك بخير وخد بالك من نفسك )


رامى :فى 60 داهية انت هتزلينى


على :مالك مين اللى فى 60 داهية خير يابنى مالك في ايه


رامى :مفيش (وهو بيضحك بسخرية )رانيا مسافرة لندن بكرة الساعة 1الضهر ومش راجعة الابعد سنة


على :وده اللى مضايقك


وحكى رامى لعلى على اللى حصل وان رانيا بتحاول تقنعه ان سفرها للندن للدراسة والدكتوراة


وانه رامى شايف ان ده نوع من ابعاد والد رانيا عنه


========رامى يقلق من النوم الفجر وطول اليل مفيش نوم وقلقان


اخد الموبايل واتصل على خالد السواق

رامى :الو ازيك ياخالد


خالد :رامى عامل ايه خير فى حاجة انت تعبت ولاحاجة


رامى :خالد انت اكيد عارف عنوان البيت عاوزك تيجى ضرورى الصبح توصلنى المطار


خالد :المطار وانت تعبان


رامى :ملكش دعوة تعالى انت بس عاوز اودع حد عزيز عليه


خالد: ماشى هكون عند من الصبح الساعة 8


=========فى المطار =========

رانيا :مع السلامة يابابا اشوف وشك بخير


رامى يساءل الاستعلامات :لو سمحتى طيارة لندن ركابها فين


الاستعلامات :ممكن تلحقهم عند البوابة بسرعة لانهم قربوا يركبوا الطيارة


رامى :من بعيد وسط الناس راااااااااااااااااااانيا


رانيا :وهى لفه ضهرها فجاءة تسمع صوت رامى وتلتفت ولاتصدق عينيها


رامى :وهو يجرى ليلحقها على البوابة


محبتش تسافرى واحنا زعلانين من بعض وبعدين مينفعش تسافرى من غير مااودعك


رانيا :انا مش مصدقه نفسى انا بحبك والله وهتوحشنى جدا


رامى :يلا الحقى الطيارة هتوحشينى وهكلمك كل ليلة قبل ماانام على النت


رانيا :انت تؤمرنى ياحبيبى خد بالك من نفسك


====وطبعا عينيهم مفرقتش عينين بعض لحد مارانيا ركبت الطيارة ورامى شافها بتودعه


بس السؤال ياترى ايه اللى هيحصل فى السنة دى وياترى بقية الحكاية ازاى


ده اللى هنعرفه الحلقات الجااية


يارب تعجبكم